మస్కట్‌: రాయల్‌ ఎయిర్‌ఫోర్స్‌ ఒమన్‌ నేవిగేటర్‌, హెలికాప్టర్‌ ప్రమాదంలో చనిపోయారు. ఈ ఘటనలో మరో ఇద్దరు గాయపడ్డారు. ముసానాలో హెలికాప్టర్‌ క్రాష్‌ ల్యాండ్‌ అవడంతో ఈ ప్రమాదం చోటు చేసుకుంది. ఎయిర్‌ బేస్‌లో ప్రమాదం జరిగినట్లు అధికారులు తెలిపారు. ఎన్‌హెచ్‌ 90 మోడల్‌ హెలికాప్టర్‌, రెగ్యులర్‌ ట్రెయినింగ్‌ టాస్క్‌ చేపడుతుండగా క్రాష్‌ ల్యాండ్‌ జరిగిందనీ, ఈ ఘటనలో నేవిగేటర్‌ చనిపోగా, ఇద్దరు పైలట్స్‌కి చిన్నపాటి గాయాలయ్యాయని అధికారులు వివరించారు. నావిగేటర్‌ హిలాల్‌ బిన్‌ తాలిబ్‌ బిన్‌ మొహమ్మద్‌ అల్‌ హాషిమి మృతి పట్ల రాయల్‌ ఎయిర్‌ఫోర్స్‌ ఆఫ్‌ ఒమన్‌ ప్రగాఢ సంతాపం వ్యక్తం చేసింది.