దుబాయ్‌: జనరల్‌ డైరెక్టరేట్‌ ఆఫ్‌ రెసిడెన్సీ అండ్‌ ఫారినర్స్‌ ఎఫైర్స్‌ (జిడిఆర్‌ఎఫ్‌ఎ) దుబాయ్‌, న్యూ ఇయర్‌ హాలీడే సందర్భంగా వర్కింగ్‌ అవర్స్‌ని వెల్లడించింది. అల్‌ తవార్‌, హట్టా, అల్‌ మనారా బ్రాంచ్‌లు ఉదయం 9 గంటల నుంచి 1 గంట వరకు సోమ, మంగళవారాల్లో తెరచి ఉంటాయి. దుబాయ్‌ ఇంటర్నేషనల్‌ ఎయిర్‌పోర్ట్‌ టెర్మినల్‌ 3 వద్ద ఎక్సటర్నల్‌ సెంటర్‌ మాత్రం 24 గంటలూ తెరిచే ఉంటుంది. జిడిఆర్‌ఎఫ్‌ఎ టోల్‌ ఫ్రీ నెంబర్‌ కూడా ఇరవై నాలుగు గంటలూ అందుబాటులో ఉంటుంది. జనరల్‌ డైరెక్టరేట్‌ ఆఫ్‌ రెసిడెన్సీ అండ్‌ ఫారినర్స్‌ ఎఫైర్స్‌ - దుబాయ్‌ డైరెక్టర్‌ జనరల్‌ మేజర్‌ జనరల్‌ మొహమ్మద్‌ అహ్మద్‌ అల్‌ మెర్రి మాట్లాడుతూ, వినియోగదారులకు మెరుగైన సౌకర్యాల్ని సెలవు రోజుల్లోనూ అందించాలనే లక్ష్యంతో పనిచేస్తున్నట్లు చెప్పారు.