మస్కట్‌: నేషనల్‌ ఫ్యూయల్‌ సబ్సిడీ సిస్టమ్‌లో రిజిస్టర్‌ అయినవారి సంఖ్య 131,363గా ఉంది. ఇందులో ఫిషర్‌మెన్‌ సంఖ్య 1,019 అని అధికార గణాంకాలు వెల్లడిస్తున్నాయి. రిజిస్టర్‌ అయినవారిలో 51 శాతం మంది ఒమన్‌ ఆయిల్‌ని ఎంచుకోగా, 32 శాతం మంది షెల్‌ ఒమన్‌ మార్కెటింగ్‌ని ఎంచుకున్నారు. 17 శాతం మంది అల్‌ మహా మార్కెటింగ్‌ వైపు మొగ్గు చూపారు. 91 పెట్రోల్‌ని వినియోగించే వాహనాలకు ఈ సబ్సిడీ వర్తిస్తుంది. సుల్తానేట్‌లో రిజిస్టర్‌ అయిన వాహనాల్లో వీటి శాతం 80 గా ఉంది. లబ్దిదారులు ఏ సంస్థ నుంచి ఫ్యూయల్‌ పొందాలనుకుంటున్నారో, దాన్ని ఎంచుకునేందుకు అవకాశం ఉంది.