నందమూరి బాలకృష్ణ హీరోగా తెరకెక్కుతున్న సినిమా 'డిక్టేటర్‌'. ఈరోస్‌ ఇంటర్నేషనల్‌, వేదాశ్వ క్రియేషన్స్ సంయుక్తంగా నిర్మిస్తున్నాయి. అంజలి, సోనాల్‌ చౌహాన్, అక్ష నాయికలు. శ్రీవాస్‌ దర్శకత్వం వహిస్తున్నారు. ఎస్‌.ఎస్‌.థమన్ సంగీతాన్ని సమకూర్చారు. డిసెంబర్‌ 20న అమరావతిలో ఈ సినిమాలోని పాటలను విడుదల చేయనున్నారు. శ్రీవాస్‌ మాట్లాడుతూ ''డిక్టేటర్‌ గురించి అందరూ ఆసక్తిగా ఎదురుచూస్తున్నారని తెలుసు. చిత్రీకరణ చివరి దశకు చేరుకుంది. అభిమానులు బాలకృష్ణను ఎలా చూడాలనుకుంటారో అలాంటి కథతో తెరకెక్కిస్తున్నాం. బాలకృష్ణగారు స్టైలిష్‌ యాంగిల్‌లో కనిపిస్తారు. యాక్షన్, ఎమోషన్, డ్రామా... ఇలా అన్ని ఎలిమెంట్స్‌ ఉన్న సరికొత్త సబ్జెక్ట్‌ ఇది. ఈరోస్‌ సంస్థతో మా వేదాశ్వ క్రియేషన్స్ కలిసి ఈ చిత్రాన్ని నిర్మించడం చాలా ఆనందంగా ఉంది. డిసెంబర్‌ 20న అభిమానుల సమక్షంలో అమరావతిలో అంగరంగ వైభవంగా ఆడియో వేడుకను నిర్వహిస్తాం. బాలకృష్ణగారు అందిస్తున్న సహకారంతో సినిమా ఎటువంటి ఇబ్బందులు లేకుండా అనుకున్న సమయంలోనే పూర్తవుతుంది. సినిమాను సంక్రాంతి కానుకగా విడుదల చేయడానికి సన్నాహాలు చేస్తున్నాం'' అని తెలిపారు.