దగ్గుబాటి రానా ఏ పాత్రలోనైనా ఇట్టే ఒదిగిపోతారనడానికి ఈ ఫొటోనే నిదర్శనం. ఆయన ప్రధాన పాత్రలో నటిస్తున్న చిత్రం 'హాథీ మేరే సాథీ'. 1971లో హిందీలో ఇదే టైటిల్‌తో వచ్చిన సినిమాకు ఇది రీమేక్‌గా రాబోతోంది. నూతన సంవత్సరం సందర్భంగా ఈ సినిమా ఫస్ట్‌లుక్‌ను చిత్ర బృందం ఈరోజు విడుదల చేసింది.

ఇందులో రానా ఏనుగు తొండాన్ని పట్టుకుని నిలబడిన స్టిల్‌ ఆకట్టుకుంటోంది. పాత చిత్రంలో హిందీలో రాజేశ్‌ ఖన్నా, తనూజ జంటగా నటించగా... తెలుగులో రానాకు జోడీగా ఎవరు నటించనున్నారన్నది తెలియాల్సి ఉంది. ఇందులో రానా బాందేవ్‌ పాత్రలో నటిస్తున్నారు. ప్రభు సొలోమాన్‌ ఈ సినిమాకు దర్శకత్వం వహిస్తున్నారు. తెలుగు, హిందీ, తమిళ భాషల్లో తెరకెక్కుతోంది.

దీపావళికి ఈ సినిమాను ప్రేక్షకుల ముందుకు తీసుకురానున్నారు. మరోపక్క రానా'1948' చిత్రంతో బిజీగా ఉన్నారు. మలయాళంలో 'రాజా మార్తాండ వర్మ' అనే చారిత్రాత్మక సినిమాలోనూ రానా నటిస్తున్నారు.