నేడు కతార్లో తీవ్రమైన గాలులు, దుమ్ము తో కూడిన వాతావరణం మరియు అతి తక్కువ రాత్రి ఉష్ణోగ్రతలు నమోదయ్యే అవకాశాలున్నాయని వాతావరణ శాఖ అధికారులు తెలిపారు. సముద్రతీర ప్రాంతాలలో తీవ్రమైన గాలులు, ఉధృతమైన అలలు రేగుతాయని; దేశంలో కనిష్ట, గరిష్ట ఉష్ణోగ్రతలు వరుసగా 18 మరియు 28 డిగ్రీల సెంటిగ్రేడుగా, అదేవిధంగా దోహాలో 21 మరియు 28 డిగ్రీల సెంటిగ్రేడుగా ఉంటాయని వారు తెలిపారు. గాలివేగం మధ్యాహ్నానికి 22 నాట్లు, తీరప్రాంతాలలో 18 నుండి 25 నాట్లు ఉంటుందని, అది 28 నాట్ల వరకు కూడా చేరవచ్చని; వాతావరణం మేఘావృతమై, కొన్నిచోట్ల చెదురుమదురుగా వర్షాలు పడవచ్చని, పగటి  పూట  దృష్టి గోచరత 3 కిలోమీటర్లు ఉంటుందని వారు అంచనా వేసారు