కువైట్: ఓ కామాంధురాలు కన్న కుమార్తె పట్ల అత్యంత కర్కశంగా ప్రవర్తించింది. ప్రియుడి సహకారంతో ఆ బాలికను ఓ భవనం మీద నుంచి కిందికి తోసేసింది. గతంలోనే ఆ నిందితురాలు భర్త నుంచి విడాకులు పొందింది. అంగవైకల్యంతో బాధపడుతున్న కూతురిని తన వద్దే పెంచుకుంటోంది. ఈ క్రమంలో ఒక వ్యక్తితో అక్రమ సంబంధం నడుపుతోంది. వీరిద్దరి ఇద్దరికీ అడ్డుగా ఉంటోందనే భావనతో కూతురిని చిత్రహింసలకు గురిచేశారు. తన కూతురు భవనం పైనుంచి జారి పడిందని నిందితురాలు పోలీసులకు ఫోన్ చేసి సమాచారం ఇచ్చింది. ఘటన స్థలానికి చేరుకున్న సిబ్బంది మృతదేహంపై తీవ్రమైన గాయాలు, ఓ చేతిపై కాలిన గుర్తులు ఉండడంతో శవాన్ని తీసుకెళ్లకుండా ఫోరెన్సిక్ అధికారులను ఘటనాస్థలానికి రావాల్సిందిగా కోరారు. ఘటనా స్థలానికి చేరుకున్న అధికారులు వివరాలు సేకరించారు. విచారణ జరిపిన న్యాయస్థానం ఆ రాక్షస తల్లికి ఆమె ప్రియుడికి  ఇద్దరికీ  ఉరిశిక్ష విధిస్తున్నామని తీర్పునిచ్చారు.