పార్లమెంటు బడ్జెట్ సమావేశాలు జరుగుతున్న సమయంలో గురువారం ఆసక్తికర పరిణామం చోటుచేసుకుంది. హౌస్ లో బీజేపీ సభ్యుడు మాట్లాడుతున్న సమయంలో కాంగ్రెస్ మాజీ అధ్యక్షురాలు సోనియా గాంధీ, ఆందోళన చేస్తున్న టీడీపీ సభ్యులను పిలిచి ఆంధ్రప్రదేశ్ పరిస్థితి గురించి వాకబు చేశారు. ఈ ఘటనలో టీడీపీ ఎంపీలు  కేశినేని నాని , తోట నర్సింహం, రామ్మోహన్ నాయుడు. ఏపీలోని పరిణామాలపై సోనియాకు వివరించినట్టు సమాచారం. ఇదిలావుంటే సమావేశాల్లో ఏపీకి ఈ పరిస్థితి తలెత్తడానికి కారణం కాంగ్రెస్ పార్టీనే అని ఆరోపిస్తూ, కాంగ్రెస్ ఫ్లోర్ లీడర్ మల్లికార్జున ఖర్గే ఎదుట ప్లకార్డులతో టీడీపీ ఎంపీలు నిరసన వ్యక్తం చేశారు.