రాష్ట్రంలో బంద్ ఎఫెక్ట్, తాజా పరిణామాలపై దుబాయ్ నుంచే సమీక్ష నిర్వహించారు చంద్రబాబు.శాంతిభద్రతలకు ఎక్కడా విఘాతం కలగకుండా చర్యలు తీసుకోవాలని అధికారులను ఆదేశించారు. రాష్ట్ర ప్రయోజనాల కోసం నిరసనలు జరుగుతున్న విషయం దృష్టిలో పెట్టుకోవాలని, మన సంఘీభావం కూడా ఉంటుందని, ఐతే ప్రజలకు ఇబ్బందులు తలెత్తకుండా జాగ్రత్తగా ఉండాలని సూచించారు. సీఎం కార్యాలయం అధికారులతోపాటు, పోలీసు ఉన్నతాధికారులు సమన్వయం చేసుకుంటూ ఎక్కడా పరిస్థితి అదుపు తప్పకుండా చూడాలని కోరారు.