కువైట్ : నాలుగు కొప్పులు ఒక చోట చేరితే మహా ప్రళయమని మన తెలుగులో ఓ సామెత ఉంది....మరి గల్ఫ్ దేశంలో రెండు కొప్పులు ఒక చోట చేరితే సరిపోతుందేమో  బాహాబాహీగా ఒకరిపై ఒకరు దాడి చేసుకొని కొట్లాడుకొంటారేమో ?  ఒక పబ్లిక్  రెస్టారెంట్ లో ఇరువురు మహిళలు ఒకరినొకరు తీవ్రంగా కొట్లాడుకోవడంతో ఆ మహిళలు అరెస్టయ్యారు. సెక్యూరిటీ వర్గాలు తెలిపిన సమాచారం ప్రకారం  తన భర్తతో ఒక మహిళ భోజనానికి కూర్చొంది. అల్లంత దూరాన ఉన్న మరో మహిళ తన భర్త వంక పదే పదే చూడటం..వెకిలి నవ్వులు నవ్వడం..కనురెప్పలు పైకి ఎగురవేయడం తదితర వెకిలి చేష్టలు చేయడంతో ఆ భార్యామణి తీవ్ర ఆగ్రహానికి గురైనట్లు తెలిపారు.అసూయ ..ఆపై అనుమానం పెంచుకున్న ఆ భార్య పట్టరాని కోపంతో దూరంగా తన భర్తకు ఎదురుగా కూర్చొని ఉన్న ఆ మహిళ వద్దకు వెళ్లి రెస్టారెంట్ ను విడిచిపెట్టాలని డిమాండ్ చేసింది, దాంతో అందుకు వ్యతిరేకించిన ఆ మహిళ ఒకరినొకరు ఒకరు జుట్లు పట్టుకొన్నారు. ఒకరిపై ఒకరు బలంగా చేతులతో దాడి చేసుకొన్నారు. జరుగుతున్న ఈ పోరాటంలో మధ్యలోకి వెళ్ళి వారిని శాంతి పర్చే సాహసం చేయలేక రెస్టారెంట్ సిబ్బంది పోలీసులను ఫోన్ ద్వారా పిలిచారు.