దుబాయ్: శుక్రవారం మధ్యాహ్నం డిస్కవరీ గార్డెన్స్ లో ఒక కారు లోపల నుంచి మంటలు వెలువడటంతో ఒక అగ్ని ప్రమాదం సంభవించింది. దీంతో మధ్యాహ్నం1.38 సమయంలో సమాచారం అందుకొన్న అల్ బర్సా సివిల్ డిఫెన్స్ జట్టు ఆ ప్రాంతానికి 1:39 సమయంలో చేరుకొన్నారు. వెనువెంటనే ఆ అగ్నిమాపకదళ సిబ్బంది ఏకకాలంలో అగ్నికీలలు చుట్టుముట్టి తగలబడిపోతున్న 5 కార్లను సంఘటనా స్థలంలో కనుగొన్నారు. ఆ వాహనాలలో మంటలు నియంత్రిస్తూ వారు భారీ పొగతో ఉక్కిరిబిక్కిరయ్యారు. పోలీస్ అధికారులు ఆ ప్రాంతంపై చేరుకొని ఆ సమీపంలో  ట్రాఫిక్ అవరోధాలను చక్కదిద్ది  ఆ ప్రాంతమును తమ అదుపులో తెచ్చుకొన్నారు. ఈ అగ్ని ప్రమాదంలో రెండు కార్లు పూర్తిగా మంటలలో కాలి బూడిదయ్యాయి.  మిగిలిన మూడు కార్లు స్వల్పంగా తగలబడ్డాయి. అగ్నిప్రమాదం జరిగిన అరగంట వ్యవధిలో మధ్యాహ్నం  2.14  సమయానికి అగ్నిమాపకదళ సిబ్బంది మంటలను పూర్తిగా నియంత్రించారు. అయిదు కార్లు ఏ విధంగా మంటలలో చిక్కుకొన్నాయో అనే వాస్తవ కారణం కనుగొనేందుకు సంబంధిత అధికారులు దర్యాప్తు ప్రారంభించారు