ప్రపంచంలోనే హెచ్‌ఐవి ఇన్ఫెక్షన్‌ రేట్‌ విషయంలో ఖతార్‌లో చాలా తగ్గుదల నమోదయ్యిందని అధికార వర్గాలు వెల్లడించాయి. సుప్రీం కౌన్సిల్‌ ఆఫ్‌ హెల్త్‌, ప్రపంచ ఎయిడ్స్‌ దినోత్సవం రోజున ఈ విషయాన్ని వెల్లడించింది. సుప్రీం కౌన్సిల్‌, హమాద్‌ మెడికల్‌ కార్పొరేషన్‌, ప్రైమరీ హెల్త్‌ కార్పొరేషన్‌, ఇతర భాగస్వాములతో కలిసి అవేర్‌నెస్‌ క్యాంపెయిన్‌ని నిర్వహించారు. హెచ్‌ఐవి వ్యాప్తిని అరికట్టడంలో ఖతార్‌ ప్రభుత్వం అనేక చర్యలు తీసుకుంటున్నట్లు అధికారులు ఈ సందర్భంగా చెప్పారు. 2015 ఎయిడ్స్‌ డే సందర్భంగా 'హెచ్‌ఐవి ట్రీట్‌మెంట్‌ ఫర్‌ ఆల్‌' అనే ఇనీషియేట్‌ని తీసుకున్నారు. 2000 సంవత్సరంతో పోల్చితే ఎయిడ్స్‌ వ్యాప్తి 35 శాతం తగ్గిందనీ, అలాగే ఎయిడ్స్‌ సంబంధిత మరణాలు 24 శాతం తగ్గాయని కూడా అధికారులు వెల్లడించడం జరిగింది.