మస్కట్‌: మెరైన్‌ కంట్రోల్‌ టీమ్‌ - మస్కట్‌ గవర్నరేట్‌, ఇద్దరు ఫిషర్‌మెన్‌ని అరెస్ట్‌ చేసినట్లు పేర్కొంది. ఖుర్మ్‌ బీచ్‌లో డెడ్‌ ఫిష్‌ డంపింగ్‌ సహా పలు ఉల్లంఘనలకు పాల్పడినట్లు వీరిపై అభియోగాలు మోపబడ్డాయి. మినిస్ట్రీ ఆఫ్‌ అగ్రికల్చర్‌ అండ్‌ ఫిషరీస్‌ ఈ విషయమై స్పందిస్తూ, ఫిషర్‌మెన్‌కి లైసెన్స్‌ వున్నప్పటికీ, నిషేధించబడిన చర్యలకు వీరు పాల్పడినట్లు పేర్కొంది. అల్‌ సరూఫ్‌ అనే వలని చేపల వేట కోసం నిందితులు వినియోగించినట్లు అధికారులు తెలిపారు. అరెస్ట్‌ అయిన నిందితుల్ని పబ్లిక్‌ ప్రాసిక్యూషన్‌కి అప్పగించారు. ప్రాసిక్యూషన్‌ వీరిపై అవసరమైన చట్టపరమైన చర్యలు తీసుకుంటుంది.