మస్కట్‌: ఒమన్‌ నేషనల్‌ ట్రాన్స్‌పోర్ట్‌ కంపెనీ మవలసాట్‌, తమ ఇంటర్‌సిటీ బస్‌ రూట్స్‌ అన్నీ ఇకపై ఇంటర్నేషనల్‌ ఎయిర్‌పోర్ట్‌ మీదుగా వెళతాయనీ, దుబాయ్‌ నుంచి వచ్చేవి, దుబాయ్‌ నుంచి వెళ్ళేవి కూడా ఈ ఎయిర్‌పోర్ట్‌ మీదుగానే రాకపోకలు సాగిస్తాయని పేర్కొంది. ఏప్రిల్‌ 6 నుంచి ఇది అమల్లోకి వస్తుంది. మస్కట్‌ వెలుపల వున్న విలాయత్స్‌ నుంచి వచ్చే ప్రయాణీకులకు ఇది సౌకర్యవంతంగా వుంటుందని మవసలాట్‌ అధికారులు పేర్కొన్నారు. ప్రయాణీకులు మవసలాత్‌ పట్ల విశేష ఆదరణ చూపుతున్నారనీ, వారికి మెరుగైన సేవలు అందించే క్రమంలో పలు చర్యలు తీసుకుంటున్నట్లు వారు వివరించారు.