ఎల్పీజీ సిలెండర్లను తీసుకెళుతున్న ట్రక్‌, బస్‌ని ఢీకొట్టడంతో చెల్లా చెదురుగా పడిపోయిన గ్యాస్‌ సిలెండర్స్‌ నుంచి గ్యాస్‌ లీక్‌ అయిన ఘటన అజ్మన్‌లోని జార్ఫ్‌ ప్రాంతంలో చోటు చేసుకుంది. అయితే ఈ ప్రమాదంలో ఎవరూ గాయపడలేదని పోలీసులు చెబుతున్నారు. ప్రమాద ఘటన గురించి సమాచారం అందిన వెంటనే సివిల్‌ డిఫెన్స్‌ మరియు అంబులెన్స్‌ వాహనాలు సంఘటనా స్థలానికి చేరుకున్నాయి. రెస్క్యూ టీమ్‌, సీరియస్‌ సిట్యుయేషన్‌ని చాలా చాకచక్యంగా డీల్‌ చేసింది. లీక్‌ అయిన సిలెండర్స్‌ని లాక్‌ చేయగలిగింది. సకాలంలో స్పందించడంతో గ్యాస్‌ లీకేజీ పేలుడుకు దారి తీయలేదని పోలీసులు పేర్కొన్నారు. ప్రమాద తీవ్రత పెద్దగా లేకపోవడంతో అంతా ఊపిరి పీల్చుకున్నారు.