దుబాయ్‌:ఇద్దరు అన్నదమ్ముల్ని దుబాయ్‌ ఇంటర్నేషనల్‌ ఎయిర్‌పోర్ట్‌లో అరెస్ట్‌ చేశారు. వీరి కడుపులో 1,300 గ్రాముల హెరాయిన్‌ని గుర్తించి, వెలికి తీశారు. పోలీసులు, ఇద్దరు ఆసియా జాతీయులకు సంబంధించిన సమాచారాన్ని అందుకుని, యాంటీ నార్కటిక్స్‌ డిపార్ట్‌మెంట్‌ సహాయంతో ఆపరేషన్‌ నిర్వహించి, స్మగ్లర్స్‌ని పట్టుకున్నట్లు యాంటీ నార్కోటిక్స్‌ డిపార్ట్‌మెంట్‌ డైరెక్టర్‌ బ్రిగేడియర్‌ జనరల్‌ ఈద్‌ మొహమ్మద్‌ థని హరిబ్‌ చెప్పారు. విజిటర్స్‌కి కల్పించిన అవకాశాల్ని తెలుసుకున్న స్మగ్లర్లు తెలివిగా ప్లాన్‌ చేయడంతో, విషయాన్ని ముందే పసిగట్టిన అధికారులు, సంబంధిత శాఖల్ని అలర్ట్‌ చేశారు. బోర్డర్స్‌ వద్ద కూడా వీరిపై గట్టి నిఘా వుంచారు. అరెస్టు చేసిన నిందితుల్ని విచారించిన పోలీసులు, వారి కడుపులో హెరాయిన్‌ క్యాప్సూల్స్‌ వుంచిన విషయాన్ని తెలుసుకున్నారు. రషీద్‌ ఆసుపత్రికి తరలించి, వారినుంచి క్యాప్సూల్స్‌ని బయటకు తీశారు. మొదటి నిందితుడు 790 గ్రాముల బరువైన మొత్తం 61 క్యాప్సూల్స్‌ని కడుపులో దాచుకోగా, మరో వ్యక్తి 538 గ్రాముల బరువైన 47 క్యాప్సూల్‌సని దాచాడు.