భారతీయ బ్యాంకులు విద్యార్థులకు రుణాలివ్వడానికి భయపడుతున్నాయి. తీసుకున్న రుణాలను తిరిగి చెల్లించక పోవడమే ఇందుకు కారణం. దీంతో విద్యార్థులకు రుణాలిస్తున్న శాతం రోజు రోజుకూ గణనీయంగా పడిపోతోంది. 'ది రీసర్చ్‌ అండ్‌ రేటింగ్‌ ఏజెన్సీ-కేర్‌ రేటింగ్స్‌' తన తాజా నివేదికలో ఈ విషయం వెల్లడించింది. 2015 నుంచి 2017 సంవత్సరాల మధ్య విద్యార్థులకు రుణాలు మంజూరు చేయడం ఏకంగా 17 శాతం నుంచి 2 శాతానికి పడిపోయింది. మొండి బకాయిల్లో డిగ్రీ విద్యార్థులు తీసుకున్న రుణాలే ఎక్కువగా ఉన్నాయి.