గల్ఫ్‌ కో-ఆపరేషన్‌ కౌన్సిల్‌ దేశాలకు సంబంధించి ట్రాఫిక్‌ సంబంధిత మరణాల్లో సౌదీ అరేబియా మొదటి స్థానంలో నిలవగా, రెండో స్థానంలో ఒమన్‌ నిలిచినట్లు వరల్డ్‌ హెల్త్‌ ఆర్గనైజేషన్‌ వెల్లడించింది. సౌదీ అరేబియా లక్ష మందికిగాను 27.7 మరణాలు నమోదవుతోంటే, ఒమన్‌లో లక్ష మందికిగాను 25.4 మరణాలు జరుగుతున్నట్లు తేలింది. అయితే రాయల్‌ ఒమన్‌ పోలీసులు మాత్రం, రోడ్డు ప్రమాద మరణాలు 2012తో పోల్చితే 2013లో తగ్గాయనీ, 2014లో ఇంకా తగ్గాయనీ, 2015లో మరణాల సంఖ్య చాలా తక్కువగా నమోదయ్యిందని చెబుతున్నారు. రోడ్డు ప్రమాదాలపై అవగాహన పెంచడంతో 2012లో 8209 మరణాలు సంభవించగా, ఆ సంఖ్య 2015కి వచ్చేసరికి 4,937కి తగ్గినట్లు రాయల్‌ ఒమన్‌ పోలీసులు వివరించారు. అతివేగమే ప్రమాదాలకు ముఖ్య కారణమని వారు చెప్పారు.