సౌదీ ఎయిర్‌ డిఫెన్స్‌ ఫోర్సెస్‌, ఓ మిస్సైల్‌ని రాజధాని రియాద్‌ వైపు వస్తుండగా కూల్చివేశారు. బుధవారం ఈ ఘటన చోటు చేసుకుంది. ఈ విషయాన్ని సౌదీకి చెందిన అల్‌ అరేబియా పేర్కొంది. కనీసం మూడు పేలుళ్ళకు సంబంధించిన శబ్దాలు చోటు చేసుకున్నట్లు ఆ వార్తా సంస్థ తెలిపింది. ఈ ఘటనకు సంబంధించి పూర్తి వివరాలు తెలియాల్సి వుంది. సౌదీ వైపు, హౌతీ తీవ్రవాదులు యెమెన్‌ నుంచి మిస్సైల్స్‌ సంధించడం పరిపాటిగా మారింది. వాటిని సౌదీ ఎయిర్‌ డిఫెన్స్‌ అత్యంత చాకచక్యంగా గాల్లోనే పేల్చివేస్తూ వస్తుండడం జరుగుతోంది. ఇరాన్‌, యెమెన్‌లోని హౌతీ తీవ్రవాదులకు మిస్సైల్స్‌ని సరఫరా చేస్తోందని సౌదీ అరేబియా ఆరోపిస్తోంది.