మస్కట్‌: ఆసియాకి చెందిన వలసదారు అయిన ఓ మహిళ ఆత్మహత్య చేసుకుంది. క్యాపిటల్‌ ప్రాంతంలో బుధవారం ఈ ఘటన చోటుచేసుకుంది. అయితే ఈ ఘటన వెనుక ఎలాంటి నేర పరమైన కారణాలూ కన్పించలేదని పోలీసులు పేర్కొంటున్నారు. రాయల్‌ ఒమన్‌ పోలీస్‌, ఈ ఘటనపై ఆన్‌ లైన్‌ ద్వారా ప్రకటన విడుదల చేసింది. ఈ కేసుకు సంబంధించి సోషల్‌ మీడియాలో చక్కర్లు కొడ్తున్న రూమర్స్‌ని పోలీసులు ఖండించారు. ఆసియాకి చెందిన ఓ మహిళ హత్యకు గురయ్యిందంటూ సోషల్‌ మీడియాలో కథనాలు వెలవడ్డాయి. అల్‌ మావలెహ్‌ దక్షిణ ప్రాంతంలో ఈ ఘటన జరిగినట్లు సోషల్‌ మీడియాలో తొలుత ఊహాగానాలు పుట్టుకొచ్చాయి. పోలీసులు మాత్రం మహిళ మృతిని ధృవీకరించినా, ఆ ఘటన వెనుక నేరానికి సంబంధించిన ఎలాంటి కోణం లేదని స్పష్టం చేశారు.