డిసెంబర్‌ 6 వరకూ చెన్నయ్‌కి విమానాల్ని రద్దు చేసినట్లు ఒమన్‌ ఎయిర్‌ అధికారికంగా ప్రకటించింది. వరదలతో చెన్నయ్‌ ఇబ్బందులు పడుతుండడం విమానాశ్రయం కూడా పూర్తిగా నీటిలో మునిగిపోవడంతో విమానాలు చెన్నయ్‌లో దిగే పరిస్థితులు లేవు. ఇప్పటికే టిక్కెట్లు బుక్‌ చేసుకున్నవారు రద్దయిన ప్రయాణాల్ని తిరిగి కొత్తగా ప్లాన్‌ చేసుకోవాలని ఒమన్‌ ఎయిర్‌ అధికారులు సూచించారు. టిక్కెట్లు పూర్తిగా రద్దు చేసుకోవాలనుకుంటే పూర్తిస్థాయిలో ఛార్జీలు రిఫండ్‌ చేయబడ్తాయనీ, ఎలాంటి రద్దు ఛార్జీలు ఉండబోవమని ఒబమన్‌ ఎయిర్‌ ప్రకటించింది. ఒకవేళ భారతదేశంలో ఇంకో నగరానికి వెళ్ళాలనుకుంటే తగిన విధంగా ఛార్జీలు సరిచేయబడ్తాయనీ, ప్రయాణీకులకు చెల్లించాల్సిన సొమ్ముని నగదు రూపంలో లేదా వోచర్స్‌ రూపంలో చెల్లించబడ్తుందని ఒమన్‌ ఎయిర్‌ వర్గాలు వెల్లడించాయి.