మనం పొంగల్ గురించి నేర్చుకున్నాం కదా.. ఇప్పుడు మరో రకమైన పొంగల్ తో మీ ముందుకు వచ్చాం... స్పైసి స్పైసి పొంగల్...'కారం పొంగల్'..

కావలసిన పదార్ధాలు:

• పెసరపప్పు                - 1 కప్పు
• బియ్యం                    - 1 కప్పు
• పచ్చిమిర్చి                - 3 లేక 4
• కరివేపాకు                  - కొద్దిగా
• అల్లం తురుము           - 1 టేబుల్ స్పూను
• మిరియాలు               - 1 టీ స్పూను
• జీలకర్ర                      - 1 టేబుల్ స్పూను
• ఇంగువ                     - చిటికెడు
• నూనె                        - 2 టేబుల్ స్పూన్లు
• ఉప్పు                       - తగినంత
• పాలు                       - 1 కప్పు
• నీళ్ళు                       - 8 కప్పులు

చేయు విధానం:

• ముందుగా బియ్యం మరియు పెసరపప్పు ని కడిగి పక్క పెట్టుకోండి.
• ఒక ప్రెస్సర్ కుక్కర్ తీసుకొని అందులో కొద్దిగా నూనె వేసి వేడి చేయండి. ఇందులో మిరియాలు, జీలకర్ర, కరివేపాకు, పచ్చిమిర్చి, అల్లం తురుము, ఇంగువ వేసి ఒక 2 నిముషాలు వేయించండి.
• ఇప్పుడు కడిగి పెట్టుకున్న పెసరపప్పు ని ఇందులో వేసి పెసరపప్పు పచ్చివాసన పోయే దాక వేయించండి.
• కడిగి పెట్టుకున్న బియ్యం కూడా వేసి మరి కాసేపు వేయించండి.
• నీళ్ళు, ఉప్పు, పాలు వేసి కుక్కర్ మూత పెట్టేసి 2 కూతలు రానివ్వండి.
• ప్రెస్సర్ అంతే పోయేదాకా ఉంచి, మూత తీసి బాగా కలిపి వడ్డిన్చుకోవటమే..
• ఎంతో కారంగా ఉండే పొంగల్ రెడీ..!

------ ప్రవీణ, హైదరాబాద్...