జకార్తా: ఇండోనేషియాలోని జావాద్వీపంపై గల మెరపి అగ్నిపర్వతం శుక్రవారం ఉదయం బద్దలైంది. బిలం నుంచి 5500 మీటర్ల ఎత్తున బూడిద, పొగ ఎగసిపడుతున్నాయి. 16,400 అడుగుల ఎత్తున బూడిద ఎగసిపడుతుండటంతో, పర్వతానికి 30 కిమీ దూరంలోని ఇండోనేషియా సాంస్కృతిక రాజధాని యోగ్యాకర్తా సైతం ధూళితో నిండిపోయింది. దేశంలో అంతర్జాతీయ విమాన సేవలు రద్దయ్యాయి. 2010లో ఇదే అగ్నిపర్వతం పేలడంతో 300 మంది ప్రాణాలు కోల్పోయారు. 2,80,000 మంది సురక్షిత ప్రాంతాలకు తరలిపోయారు. పేలిపోనున్న హవాయి అగ్ని పర్వతం లాస్‌ఏంజెలెస్‌: హవాయిలో గురువారం నుంచి లావాను వెదజల్లుతున్న కిలోయియా అగ్నిపర్వతం భారీగా పేలిపోవడానికి సిద్ధమవుతోందని శాస్త్రవేత్తలు హెచ్చరిస్తున్నారు. శుక్రవారం జాతీయ ఉద్యానవనాన్ని మూసివేశారు.