బహ్రెయిన్‌ జాతీయులు భారతదేశంలోని కేరళకు వెళ్ళరాదని హెచ్చరికలు జారీ చేసింది. కేరళలో భయంకరమైన నిఫా వైరస్‌ విజృంభిస్తోంది. ఈ వైరస్‌ బారిన పడి ఇప్పటికే 10 మంది ప్రాణాలు కోల్పోయారు. ముంబైలోని బహ్రెయిన్‌ కాన్సులేట్‌ ఈ హెచ్చరికను ట్విట్టర్‌ ద్వారా తమ పౌరులకు చేయడం జరిగింది. సాధారణ ఫ్లూ తరహాలోనే ఈ నిఫా వైరస్‌ సోకినవారిలో లక్షణాలు కన్పిస్తాయి. 10 మంది ఇప్పటికే ఈ వైరస్‌ కారణంగా ప్రాణాలు కోల్పోగా, 9 మంది నిఫా వైరస్‌ బాధితులు చికిత్స పొందుతున్నారు. కేరళ పొరుగు రాష్ట్రమైన కర్నాటకలోనూ నిఫా వైరస్‌కి సంబంధించిన హెచ్చరికలు జారీ అయ్యాయి.