మస్కట్‌: ఆసియాకి చెందిన ఇద్దరు వలసదారుల్ని హత్యా నేరం కింద అరెస్ట్‌ చేసినట్లు రాయల్‌ ఒమన్‌ పోలీస్‌ వెల్లడించడం జరిగింది. బార్కాలో వీరిని అరెస్ట్‌ చేశారు. బార్కాలో ఆసియా జాతీయుడినే ఈ ఇద్దరు నిందితులు హత్య చేశారనీ, దీనికి సంబంధించిన పక్కా సమాచారంతో డిపార్ట్‌మెంట్‌ ఆఫ్‌ క్రిమినల్‌ ఇన్వెస్టిగేషన్‌ - సదరన్‌ బతినా పోలీస్‌ వీరిని అరెస్ట్‌ చేశారనీ రాయల్‌ ఒమన్‌ పోలీస్‌ ఓ ప్రకటనలో పేర్కొంది. హత్య కేసును విచారిస్తున్న సమయంలో నిందితులకు సంబంధించిన సమాచారం దొరికిందనీ, కేసు విచారణ కొనసాగుతోందనీ రాయల్‌ ఒమన్‌ పోలీస్‌ వర్గాలు వెల్లడించాయి.