మెగా యువ హీరో వరుణ్‌ తేజ్‌, దిశా పఠాని జంటగా నటించిన చిత్రం 'లోఫర్‌'. పూరీ జగన్నాథ్‌ దర్శకత్వం వహించారు. ఈ సినిమా ఆడియోను సోమవారం రాత్రి హైదరాబాద్‌లోని శిల్పకళావేదికలో విడుదల చేశారు. ముఖ్య అథితులుగా హీరో ప్రభాస్‌, దర్శకుడు రామ్‌ గోపాల్‌వర్మ హాజరై సీడీని ఆవిష్కరించారు. సునీల్‌ కశ్యప్‌ చిత్రానికి స్వరాలు సమకూర్చారు. కార్యక్రమంలో నాగబాబు, నిర్మాతలు దిల్‌రాజు, సురేష్‌బాబు, అశోక్‌కుమార్‌, రేవతి, అలీ, సి.కల్యాణ్‌, సీవీ రావు తదితరులు పాల్గొన్నారు.