సుధీర్ బాబు, అదితీరావు హైదరీ జంటగా నటించిన సమ్మోహనం మూవీ ట్రైలర్ నేడు(గురువారం) రిలీజ్ అయింది. కామెడీ, రొమాంటిక్ ఎంటర్‌టైనర్‌గా తెరకెక్కిన ఈ సినిమా ట్రైలర్‌ను సుధీర్ బాబు మామ, సూపర్ స్టార్ కృష్ణ రిలీజ్ చేశారు. గురువారం కృష్ణ బర్త్ డే సందర్భంగా ఆయనతోనే ఈ సినిమా ట్రైలర్‌ను రిలీజ్ చేయించింది చిత్రబృందం. 'ఏముందిరా ఆ స్టార్‌ల్లో ఆ గ్లామర్ అబద్ధం, మాటలు అబద్ధం, నటన అబద్ధం.. అయినా ఎగబడతారేంటిరా..' అనే సుధీర్ బాబు డైలాగ్‌తో ట్రైలర్ స్టార్ట్ అవుతుంది.

సినీ ప్రియుడిగా, సుధీర్ బాబు తండ్రిగా సీనియర్ నరేష్ అద్భుతమైన నటన కనబరిచారు. సినిమాల పట్ల మంచి అభిప్రాయం లేని యువకుడిగా సుధీర్ బాబు అలరించారు. సినిమాలో తెలుగు రాని హీరోయిన్‌గా అదితీరావు ఆకట్టుకుంది. మోహన్‌కృష్ణ ఇంద్రగంటి డైరెక్షన్‌లో తెరకెక్కిన ఈ సినిమాకు వివేక్ సాగర్ సంగీతం అందించారు. శ్రీదేవి మూవీస్ బ్యానర్‌పై శివలెంక కృష్ణ ప్రసాద్ ఈ సినిమాను నిర్మించారు.