11 సంవత్సరాలుగా వేసవిలో క్రికెట్ అభిమానులను ఎంటర్‌టైన్ చేస్తోంది ఐపీఎల్‌. అయితే ఇప్పుడు అందరి దృష్టి రానున్న ఐపీఎల్‌ సీజన్‌పై పడింది.వచ్చే  ఏడాది సార్వత్రిక ఎన్నికలు, వరల్డ్ కప్ జరగనున్న నేపథ్యంలో ఐపీఎల్‌ను ఎక్కడ నిర్వహిస్తారానే  దానిపై అభిమానుల్లో  కాస్త అయోమయం  నెలకొంది. దీంతో వచ్చే  ఐపీఎల్‌ను  ఇదివరకటి  సీజన్‌లా కాకుండా కాస్త ముందుగానే  ఐపీఎల్-2019 పండుగ  రానున్నట్టు సమాచారం. దీనికి సంబంధించి పలు జాతీయ మీడియాలో కథనాలు వెలువడ్డాయి. మార్చి 29 నుంచి ఐపీఎల్ 2019 ప్రారంభం కానుందని తెలుస్తోంది. పాక్షికంగా విదేశాల్లో ఐపీఎల్ నిర్వహించే వీలున్నట్లు సమాచారం. ఏదేమైనా ఎన్నికల విషయంలో  ప్రభుత్వం నుంచి  స్పష్టత వచ్చాకే ఐపీఎల్ షెడ్యూల్‌ను బిసిసిఐ ప్రకటించనుంది