మస్కట్‌: అక్రమంగా సిగరెట్లను, ఆల్కహాల్‌నీ అలాగే టొబాకోనూ విక్రయిస్తున్నందుకుగాను ముగ్గురు వలసదారుల్ని అరెస్ట్‌ చేసినట్లు రాయల్‌ ఒమన్‌ పోలీస్‌ వెల్లడించింది. మొదటి కేసులో 2,000 బాక్స్‌ల ఇల్లీగల్‌ సిగరెట్స్‌ని అడమ్‌ సిటీలో స్వాధీనం చేసుకుని, ఓ వలసదారుడ్ని అరెస్ట్‌ చేశారు. మరో కేసులో ఇద్దరు వలసదారుల్ని ఇల్లీగల్‌ పొసెషన్‌ అండ్‌ ట్రేడింగ్‌ ఆఫ్‌ ఆల్కహాలిక్‌ బెవరేజెస్‌ అండ్‌ టొబాకో కేసులో అరెస్ట్‌ చేసినట్లు రాయల్‌ ఒమన్‌ పోలీస్‌ ప్రకటించింది. వారి నుంచి 235 క్యాన్ల బీర్‌, 60 ప్యాకెట్ల నమిలే పొగాకుని స్వాధీనం చేసుకున్నారు బహ్లా పోలీస్‌ స్టేషన్‌ ఇన్వెస్టిగేషన్‌ డిపార్ట్‌మెంట్‌ అధికారులు. నిందితుల్ని జ్యుడీషియల్‌ అథారిటీస్‌కి అప్పగించారు.