సమ్మోహనం చిత్రానికి ఎటువంటి కత్తెర పడలేదట. అదేనండీ సెన్సార్ కత్తెర. నటుడు సుదీర్‌ బాబు హీరోగా ఇంద్రగంటి మోహనకృష్ణ దర్శకత్వంలో తెరకెక్కిన తాజా చిత్రం సమ్మోహనం. ఈ సినిమా ఫస్ట్‌ లుక్‌, టీజర్‌, ట్రైలర్‌ అన్నింటికి పాజిటివ్‌ కామెంట్స్‌ వచ్చాయి. ఈ మూవీలోని మాటలు, పాటలు, లొకేషన్లు, హీరో హీరోయిన్ల మధ్య కెమిస్ట్రీ, వినోదం ఈ సినిమాకు హైలెట్‌గా నిలుస్తాయని ట్రైలర్‌ చూస్తే తెలుస్తోంది. జూన్‌ 15న విడుదలకు సిద్ధంగా ఉన్న ఈ సినిమా ఇటీవలె సెన్సార్ కార్యక్రమాలను పూర్తి చేసుకుంది. సెన్సార్‌ సభ్యుల కత్తెరకు ఎలాంటి పని చెప్పకుండా.. ఈ సినిమా క్లీన్‌ యూ సర్టిఫికెట్‌ను పొందింది. జూన్‌ 10న జరుగుబోతున్న ప్రీ రిలీజ్‌ ఈవెంట్‌కు సూపర్‌స్టార్‌​ మహేష్‌ బాబు ముఖ్య అతిథిగా రాబోతున్నాడు. ఈ సినిమాలో సుధీర్‌బాబుకు జోడీగా అదితి రావు హీరోయిన్‌గా నటిస్తోంది.