అమెరికాలోని మేరిల్యాండ్ లో తెలుగువారు నివాసముంటున్న భవనంలో అగ్నిప్రమాదం జరిగింది.  పూర్తిగా కలపతో కట్టిన మూడంతస్థుల భవనంలో ఒక్కసారిగా మంటలు చెలరేగాయి. దీంతో అందులో ఉంటున్న 15 కుటుంబాలకు చెందిన వారు భయంతో కిందకు పరుగులుతీశారు. అయితే ఈ ప్రమాదంలో పలువురు గాయపడగా వారిని ఆస్పత్రికి తరలించారు. వెంటనే సంఘటనా స్థలానికిచేరుకున్న అగ్నిమాపక సిబ్బంది మంటలను అదుపులోకి తెచ్చారు. అప్పటికే పై రెండు అంతస్థులు అగ్నికి ఆహుతయ్యాయి. ఈ భవనంలో 5 తెలుగు కుటుంబాల వారు నివాసముంటున్నారు. ప్రమాదం గురించి తెలుసుకున్న తానా సభ్యులు బాధితులకు తమ వంతు సహాయ అందించారు.