పేరున్న కంపెనీ ఫోన్లు కూడా పేలుతున్నాయేంటని వినియోగదారుడు భయపడుతున్నాడు.. నిన్నగాక మొన్న ముంబైలో ఓ రెస్టారెంట్లో కూర్చొని భోజనం చేస్తున్న వ్యక్తి జేబులో సెల్ పేలి అందర్నీ హడలుగొట్టేసింది. తాజాగా అమెరికాలోని మిచిగాన్‌లో ఓ మహిళ కారు డ్రైవ్ చేసుకుంటూ వెళుతుంటే ఆమె దగ్గరున్న రెండు శాంసంగ్ ఫోన్లలో ఒకటి పేలి దాన్నుంచి మంటలు చెలరేగాయి. వెంటనే అప్రమత్తమైన మహిళ కారు డోర్ తీసుకుని బయటపడి ప్రాణాలు కాపాడుకుంది. క్షణాల్లోనే మంటలు కారంతా వ్యాపించాయి. కళ్లముందే కారు కాలి బూడిదైంది. ఈ ఘటనపై ఫోన్ కంపెనీ తక్షణం స్పందించింది. ఫోన్ పేలడానికి గల కారణాలు విచారిస్తామని వెల్లడించింది.