హైదరాబాద్: విదేశాల్లో ఉన్నత విద్యను అభ్యసించేందుకు అర్హులైన విద్యార్థుల నుంచి దరఖాస్తులను స్వీకరిస్తున్నట్లు ఇండో అమెరికన్ స్టడీస్ సంస్థ డైరెక్టర్ డాక్టర్ ఉషశ్రీ తెలిపారు. హైదర్‌గూడలోని ఎన్‌ఎస్‌ఎస్‌లో ఏర్పాటు చేసిన విలేకరుల సమావేశంలో ఆమె మాట్లాడుతూ ఇంజినీరింగ్, ఆర్ట్స్, బిజినెస్ అడ్మినిస్ట్రేషన్, ఇతర మాస్టర్ డిగ్రీ కోర్సుల్లో ప్రవేశం పొందే విద్యార్థులు ఏడాది కాలంలోనే ఈ కోర్సులను పూర్తి చేయడంతోపాటు స్కాలర్‌షిప్ పొందవచ్చని తెలిపారు. అండర్ గ్రాడ్యుయేషన్ , మెడిసిన్, ఇంజినీరింగ్, బిజినెస్ అడ్మినిస్ట్రేషన్ కోర్సులకు ఇంటర్, డిప్లొమా పూర్తి చేసిన వారు దరఖాస్తు చేసుకోవాలన్నారు. తెలంగాణ నుంచి అమెరికాకు ఉన్నత విద్యనభ్య సించడానికి వెళ్లే విద్యార్థులకు వసతి, వీసా, ఫీజు ఇతరత్ర వాటికి అయ్యే ఖర్చులో 50 శాతం రాయితీ కల్పించనున్నట్లు ఆమె తెలిపారు. వివరాల కోసం 9246522065, [email protected]లో సంప్రదించాలని ఉషశ్రీ సూచించారు.