హబ్రోన్‌లోని వెస్ట్‌ బ్యాంక్‌ సిటీలో పాలస్తీనా పోలీసులు ఓ వ్యక్తిని అరెస్ట్‌ చేశారు. తన సోదరుడికి మతి స్థిమితం లేదనే కారణంగా పాతికేళ్ళుగా సంకెళ్ళు వేశాడా వ్యక్తి. కాళ్ళకు సంకెల్లు వేయడంతో బాధితుడి కాళ్ళు తీవ్రంగా గాయపడ్డాయి. బాధితుడి వయసు ప్రస్తుతం 36 సంవత్సరాలు. ఇన్నేళ్ళుగా బాధితుడికి సహాయం అందించేందుకు ఎవరూ ముందుకు రాలేదని పోలీస్‌ ఉన్నతాధికారులు చెప్పారు. బాధితుడ్ని అలియా హాస్పిటల్‌కి తరలించి, అవసరమైన వైద్య పరీక్షలు నిర్వహిస్తున్నారు. వైద్య చికిత్స అనంతరం బాధితుడు కోలుకుంటాడని ఆశాభవం వ్యక్తం చేస్తున్నారు.