క్రిస్‌మస్‌ కోసం ముందస్తుగా షాపింగ్‌ చేయాలనుకునేవారికి శుభవార్త. ఈ వీకెండ్‌ దుబాయ్‌లో ఎటు చూసినా షాపింగ్‌ సందడే కనిపించనుంది. దీనికోసం వ్యాపారులు విస్తృతంగా ఏర్పాట్లు చేశారు. అల్‌ సర్కాల్‌ ఎవెన్యూలో 'అప్‌సైకిల్డ్‌ అర్బన్‌ మార్కెట్‌'ని ప్రారంభించారు. రీసైకిల్డ్‌, బయోడీగ్రేడబుల్‌ ఐటమ్స్‌తో, సహజసిద్ధమైన ఆర్గానిక్‌ ప్రోడక్ట్స్‌తోపాటు లైవ్‌ మ్యూజిక్‌ మరియు ఫుడ్‌ ఇక్కడ అందుబాటులో ఉంటాయి. ఉదయం 11 నుంచి సాయంత్రం 8 గంటల వరకు రెండ్రోజులపాటు ఈ మార్కెట్‌ తెరచి ఉంటుంది. అర్బన్‌ బ్లాక్‌ పార్టీ పేరుతో డిసెంబర్‌ 10, 12 తేదీల్లో బిజినెస్‌ డే బేస్క్వేర్‌లో మరో షాపింగ్‌ సందడి సిద్ధంగా ఉంది. వాఫిలోని రాఫెల్స్‌ గార్డెన్‌ క్రిస్‌మస్‌ షాపింగ్‌కి రెడీ అయ్యింది. 20 మంది వ్యాపారులు సీజనల్‌ ట్రీట్స్‌ని ఇక్కడ అందుబాటులో ఉంచారు. మాల్‌ ఆఫ్‌ ఎమిరేట్స్‌ కూడా షాపింగ్‌ ఫెస్టివల్‌ని నిర్వహిస్తోంది. డిసెంబర్‌ 17 నుంచి 19 వరకు మరో షాపింగ్‌ ఫెస్టివల్‌ దుబాయ్‌ వాసులకు ఆనందాన్ని పంచనుంది. డిసెంబర్‌ 16 నుంచి జనవరి 5 వరకు నిర్వహించే విలేజ్‌ మార్కెట్‌ దుబాయ్‌ వాసులకు ప్రత్యేకమైన సందడిని తీసుకొస్తోంది. దీనికి ఎంట్రీ టిక్కెట్‌ని 20 దిర్హామ్‌లుగా నిర్ణయించారు.