మస్కట్‌: వ్యభిచారం అభియోగాల నేపథ్యంలో 104 మంది వలస మహిళల్ని ఒమన్‌లో అరెస్ట్‌ చేసినట్లు రాయల్‌ ఒమన్‌ పోలీస్‌ వెల్లడించింది. మస్కట్‌ గవర్నరేట్‌ పరిధిలోని అల్‌ ఖువైర్‌లో ఈ అరెస్టులు జరిగాయి. అరెస్టయినవారిలో ఆసియా, ఆఫ్రికా జాతీయులు వున్నట్లు పోలీసులు తెలిపారు. అల్‌ ఖువైర్‌లోని పలు ప్రాంతాల్లో వీరిని అరెస్ట్‌ చేసినట్లు రాయల్‌ ఒమన్‌ పోలీస్‌ ఓ ప్రకటనలో పేర్కొంది. పబ్లిక్‌ మోరల్స్‌ ఉల్లంఘన, లేబర్‌ చట్టాల ఉల్లంఘన, ఎక్స్‌పాట్‌ రెసిడెన్స్‌ చట్టాల ుల్లంఘన తదితర అభియోగాలు వీరిపై మోపబడ్డాయి. చట్టపరమైన చర్యల నిమిత్తం అరెస్టు చేసినవారిని జ్యుడీషియల్‌ అథారిటీస్‌కి అప్పగించారు.