అల్‌ మఫ్రాక్‌ - అల్‌ ఘువైఫాత్‌ హైవేపై స్పీడ్‌ లిమిట్‌ని మార్చుతున్నట్లు అబుదాబీ పోలీసులు వెల్లడించారు. ఈ రోడ్డుపై లెఫ్ట్‌ లేన్‌ని హమీమ్‌ బ్రిడ్జి నుంచి అల్‌ దబియా బ్రిడ్జి వరకు రెండు వైపులా మూసివేస్తున్నట్లు ప్రకటించిన పోలీసులు, ఈ కారణంగా రోడ్డుపై స్పీడ్‌ లిమిట్‌ని కూడా మార్చుతున్నట్లు స్పష్టం చేశారు. జూన్‌ 27 నుంచి ఆరు నెలలపాటు ఈ మూసివేత అమల్లో వుంటుంది. ఈ కారణంగా రాడార్‌ స్పీడ్‌ లిమిట్‌ని గంటకు 120 కిలోమీటర్లుగా సెట్‌ చేశారు. ఇంతకు ముందు ఈ వేగం గంటకు 161 కిలోమీటర్లుగా వుండేది. జనవరి నుంచి ఈ గంటకు 161 కిలోమీటర్ల వేగం అమల్లోకి వచ్చింది ఈ రోడ్డు మీద.