సర్‌ నేమ్‌ లేకపోవడం వలసదారుల పాలిట శాపంగా మారుతోంది. పాస్‌పోర్టులను రెన్యువల్‌ చేసుకోవాల్సి వస్తున్న పరిస్థితుల్లో సర్‌ నేమ్‌ లేకపోవడంతో వలసదారులు ఇబ్బందులు ఎదుర్కోవాల్సి వస్తోంది. గతంలో సర్‌ నేమ్‌ పేర్కొనాల్సిన చోట బ్లాంక్‌గా వదిలేయడంతో, ఇప్పుడు వారికి సమస్యలు ఎదురవుతున్నాయని సోషల్‌ వర్కర్‌ కెటి సలీమ్‌ చెప్పారు. పేరు మార్చుకున్నవారు, నిబంధనలకు అనుగుణంగా కొన్ని ప్రక్రియలు పూర్తి చేయాల్సి వుంటుందని, తద్వారా పాస్‌పోర్టులో ఆ మార్పులకు అవకాశం వుంటుందని కెటి సలీమ్‌ వివరించారు. తమ సర్టిఫికెట్ల ద్వారా సర్‌ నేమ్‌ లేదా ఫ్యామిలీ నేమ్‌ని పొందుపరచి, తగినన్ని ఆధారాలు చూపించి, పాస్‌పోర్ట్‌ రెన్యువల్‌ చేసుకోవాల్సి వుంటుంది.