విజయవాడ: ఇంద్రకీలాద్రిపై శాకంబరీ ఉత్సవాలు ఘనంగా జరుగుతున్నాయి. నేటి నుంచి మూడు రోజుల పాటు ఈ ఉత్సవాలను నిర్వహించనున్నారు. ఉత్సవాల్లో భాగంగా కనకదుర్గమ్మను, ఆలయాన్ని వివిధ రకాల కూరగాయలతో అలంకరిస్తారు. ఇందుకోసం 40 టన్నుల వరకూ కూరగాయలు రావచ్చని అంచనా వేస్తున్నారు. ప్రతీ ఏడాది ఆషాడంలో ఈ ఉత్సవాలను ఆలయ అధికారులు జరుపుతుంటారు. వివిధ కూరగాయాలతో అలకరించబడిన అమ్మవారిని దర్శించుకునేందుకు పెద్ద సంఖ్యలో భక్తులు తరలివస్తున్నారు.