ఖతార్‌ ఫ్యూయల్‌ (వకూద్‌) తన 30వ సర్వీస్‌ స్టేషన్‌ని ప్రారంభించింది. ఖతార్‌ ఇందధన అవసరాల్ని తీర్చేందుకు ఈ కొత్త స్టేషన్‌ ఉపకరిస్తుందని ఖతార్‌ ఫ్యూయల్‌ వెల్లడించింది. దోహాలని అల్‌ రయ్యాన్‌ ప్రాంతంలో వకూద్‌ సీఈఓ ఇంజనీర్‌ ఇబ్రహీమ్‌ జహామ్‌ అల్‌ కువారి ఈ కొత్త స్టేషన్‌ని ప్రారంభించారు. ఖతార్‌ బిజినెస్‌ సెక్టార్‌ నుంచి పలువురు ప్రముఖులు ఈ కార్యక్రమానికి హాజరయ్యారు. 20 మిలియన్‌ ఖతార్‌ రియాల్స్‌ వెచ్చించి ప్రారంభించిన ఆరువేల చదరపు మీటర్ల ప్రాంతాన్ని కవర్‌ చేసే ఈ కొత్త స్టేషన్‌ న్యూ రయ్యాన్‌, రయ్యాన్‌, వజ్బా, ద ఘర్రాఫా ఏరియా మరియు ఖతార్‌ ఫౌండేషన్‌ కమ్యూనిటీకి ఉపకరిస్తుంది. ఈ సంవత్సరం వకూద్‌ నుంచి అల్‌ రయ్యాన్‌ బిన్‌ డెర్హామ్‌, అల్‌ వక్రా, వజ్బా, అల్‌ థఖిరా మరియు లిజిమిలియా తదతర ఏడు స్టేషన్లు ప్రారంభమయ్యాయి. 2016లో మరిన్ని ప్రాజెక్టులు ప్రారంభమవుతాయని వకూద్‌ వర్గాలు చెప్పాయి.