ఆఫ్ఘనిస్థాన్లోని జలాలాబాద్లో వరుస పేలుళ్ళు...
- July 28, 2018జలాలాబాద్:తూర్పు ఆఫ్ఘనిస్థాన్లోని జలాలాబాద్ పట్టణం శనివారం వరుస బాంబు పేలుళ్ళు, తుపాకీ కాల్పుల శబ్దాలతో వణికిపోయింది. స్థానిక అధికారుల కథనం ప్రకారం నర్సింగ్ శిక్షణ కేంద్రం సమీపంలో ఈ పేలుళ్ళు జరిగాయి. ఈ దుర్ఘటనలో ప్రాణ, ఆస్తి నష్టాల సమాచారం ఇంకా తెలియడం లేదు. ఈ శిక్షణ కేంద్రంలోని చాలా మంది విద్యార్థినులను సురక్షితంగా వేరొక చోటుకి తరలించినట్లు ప్రభుత్వ అధికార ప్రతినిథి అత్తావుల్లా ఖోగ్యానీ చెప్పారు. ఈ కేంద్రంలో శిక్షణ పొందుతున్నవారిలో నూరిస్తాన్ ప్రావిన్స్ ప్రాంతానికి చెందిన విద్యార్థినులు అధికంగా ఉన్నారన్నారు.
పేలుళ్ళు జరిగిన ప్రాంతమంతా దట్టమైన పొగ వ్యాపించింది. భద్రతా దళాలు, అంబులెన్సులు హుటాహుటిన సంఘటనా స్థలానికి చేరుకున్నాయి. ట్రాఫిక్ను క్రమబద్ధం చేసి, సహాయక చర్యలు ప్రారంభించాయి.
కొద్ది రోజులుగా జలాలాబాద్పై బాంబు దాడులు జరుగుతున్నాయి. పదుల సంఖ్యలో ప్రజలు ప్రాణాలు కోల్పోతున్నారు. తామే ఈ దాడులకు పాల్పడినట్లు ఇస్లామిక్ స్టేట్ ప్రకటించింది. అయితే శనివారం జరిగిన పేలుళ్ళకు తమదే బాధ్యత అని ఇప్పటి వరకు ఎవరూ ప్రకటించలేదు.
తాజా వార్తలు
- యాదాద్రిలో ప్లాస్టిక్ పై నిషేధం..ఉత్తర్వులు జారీ
- కేరళలో హెపటైటిస్ కలకలం..12 మంది మృతి
- ఏపీ సీఎం జగన్ లండన్కు వెళుతుండగా..గన్నవరం ఎయిర్పోర్టులో కలకలం
- తిరుమలలో రెండోరోజు శ్రీ పద్మావతి పరిణయోత్సవాలు..
- సీఎం రేవంత్ రెడ్డిని కలిసిన టాలీవుడ్ డైరెక్టర్స్
- విద్యార్థుల కోసం 400 స్కాలర్షిప్లు
- క్యాన్సర్పై పోరులో ముందడుగు.. IARCలో చేరిన సౌదీ అరేబియా
- రోడ్డు ప్రమాదంలో ఇద్దరు పోలీసులు మృతి
- ఈ-స్కూటర్లకు ట్రాఫిక్ భద్రతా నియమాలు తప్పనిసరి
- దుబాయ్ నివాసితులు dh3000 అదనపు అద్దె చెల్లించాలా?