రష్యాకు చెందిన హెలికాప్టర్‌ సైబీరియా ఉత్తర ప్రాంతంలో కుప్పకూలింది. ఈ ప్రమాదంలో 18 మంది ప్రాణాలు కోల్పోయారు. ఎంఐ-8 హెలికాప్టర్ ఈ రోజు ఉదయం ఆయిల్‌ స్టేషన్‌కు వెళ్తుండగా ఈ ప్రమాదం జరిగింది. హెలికాప్టర్‌లో 15 మంది ప్రయాణికులు, ముగ్గురు సిబ్బంది ఉన్నారని రష్యా రవాణాశాఖ మంత్రి వెల్లడించారు. హెలికాప్టర్‌ టేకాఫ్‌ అయిన కొద్దిసేపటికే మరో హెలికాప్టర్‌ మోసుకొస్తున్న పరికరాలకు తగలడంతో కుప్పకూలిపోయిందని తెలిపారు. మరో హెలికాప్టర్‌ సురక్షితంగా ల్యాండ్‌ అయినట్లు చెప్పారు. ప్రమాద సమయంలో వాతావరణం అనుకూలంగానే ఉందన్నారు.