అలస్కా యాంకరేజ్‌కు చెందిన జాన్‌ మార్టిన్‌ విలియమ్‌-3 అనే వ‍్యక్తి రెండు వారాల క్రితం యుకోన్‌ నదీ తీరంలో విహారానికి వెళ్ళాడు. అలల తాకిడికి బేరింగ్‌ సముద్రం గుండా 50 మైళ్ళు ప్రయాణించి రష్యా తీరానికి చేరుకున్నాడు. చుకోట్కా రీజియన్‌లోని లావ్రెంటియా గ్రామానికి చేరకున్న అతన్ని అధికారులు అదుపులోకి తీసుకుని ప్రశ్నించారు. వాతావరణంలో మార్పులు, నేవీగేషన్‌ వ్యవస్థను కోల్పోవటంతో అతను దారి తప్పిపోయినట్లు తెలుస్తోంది. రెండు వారాలు ఉప్పు నీటిని వేడి చేసుకుని తాగటం, చేపలతో ఆకలి తీర్చుకున్నట్లు మార్టిన్‌ వెల్లడించాడు.