నా పేరు సూర్య ఫలితం నిరాశపరచడంతో స్టైలిష్ స్టార్ అల్లు అర్జున్ ఏ సినిమా చేస్తాడని కన్ ఫ్యూజన్ ఉంది. విక్రం కుమర్ సినిమా ఉందని తెలుస్తుండగా ఆ ప్రాజెక్ట్ పై మాత్రం ఎలాంటి క్లారిటీ రాలేదు. అయితే లేటెస్ట్ గా బన్ని పొలిటికల్ టర్న్ తీసుకోబోతున్నాడని టాక్. అదేంటి బన్నికి రాజకీయాలకు సంబంధం ఏంటని షాక్ అవ్వొచ్చు.

విక్రం కుమార్ సినిమా ఓకేనా కాదా అన్నది తెలియదు కాని బన్ని మాత్రం వేరే కథలు వింటున్నాడని తెలుస్తుంది. లేటెస్ట్ గా సంతోష్ రెడ్డి చెప్పిన ఓ పొలిటికల్ కథపై బన్ని మనసు పడ్డాడట. కథ బాగా నచ్చేసిందని.. ఫుల్ నరేషన్ చెప్పిన సంతోష్ రెడ్డి బన్నిని ఇంప్రెస్ చేశాడట.

స్టార్ హీరోల పొలిటికల్ కథలు బాగా క్లిక్ అవుతున్నాయి. లీడర్, భరత్ అనే నేను తర్వాత బన్ని తాను కూడా పొలిటికల్ బ్యాక్ డ్రాప్ లో ఓ సినిమా చేయాలని ఫిక్స్ అయ్యాడట. ఈ సినిమాపై అఫిషియల్ న్యూస్ బయటకు రావాల్సి ఉంది. బన్ని చేయబోయే ఈ సినిమానే అంటున్నారు.

మెగా హీరోల్లో మంచి ఫాంలో ఉన్న అల్లు అర్జున్ నా పేరు సూర్య నిరాశపరచింది. ఇందులో మరో ట్విస్ట్ ఏంటంటే ఆర్య తర్వాత బన్ని కొత్త దర్శకుడితో చేసిన సినిమా నా పేరు సూర్యనే. మరి ఆ సినిమా ఫలితం తెలిశాక కూడా సంతోష్ రెడ్డితో బన్ని సినిమా చేస్తాడా అని ఫ్యాన్స్ కంగారు పడుతున్నారు.