పాకిస్తాన్ కు కాబోయే ప్రధాని ఇమ్రాన్ ఖాన్ ఓ కీలక నిర్ణయం తీసుకుని భారతీయులకు శుభవార్తను తెలిపారు. పాకిస్తాన్ జైల్లో ఉన్న 27 మంది భారతీయులను విడుదల చేయాలని నిర్ణయించారు. తాను ప్రమాణ స్వీకారం జరిగిన మరుసటి రోజునే వారిని విడుదల చేయాలని.. అందుకు సంబంధించిన ఏర్పాట్లను అధికారులకు ఇమ్రాన్ ఆదేశించారు. గతంలో గుజరాత్ కు చెందిన వీరందరు వేటకు వెళ్లి పాక్ లోకి ప్రవేశించడంతో.. పాక్ సైన్యం వీరిని అదుపులోకి తీసుకుని కరాచీ జైలుకు తరలించింది. అనంతరం లాహోర్ జైలుకు మార్చింది. వీరంతా దాదాపు రెండేళ్లుగా పాకిస్థాన్ జైల్లో ఉన్నారు.