సౌదీ అరేబియా:ప్రైమ్‌ మినిస్టర్‌ ప్రిన్స్‌ ఖలీఫా సల్మాన్‌ అల్‌ ఖలీఫా నేతృత్వంలో జరిగిన సమావేశంలో క్రౌన్‌ ప్రిన్స్‌, డిప్యూటీ సుప్రీమ్‌ కమాండర్‌, ఫస్ట్‌ డిప్యూటీ ప్రీమియర్‌ ప్రిన్స్‌ సల్మాన్‌ బిన్‌ హమాద్‌ అల్‌ ఖలీఫా, బహ్రెయినీ హజ్‌ ఫిలిగ్రిమ్స్‌కి మెరుగైన సేవలు అందించే విషయమై ఆయా శాఖలకు పలు సూచనలు చేశారు. పవిత్ర ప్రార్థనా స్థలాల్లో బహ్రెయినీ ఫిలిగ్రిమ్స్‌కి ఎలాంటి అసౌకర్యాలూ కలగకుండా చూడాలని అధికారులకు ప్రిన్స్‌ సల్మాన్‌ ఆదేశాలు జారీ చేశారు. సౌదీ అరేబియా ఈ విషయంలో తీసుకుంటున్న చర్యల్ని ప్రీమియర్‌ అభినందించారు. ప్రపంచ వ్యాప్తంగా వివిధ దేశాల నుంచి వచ్చే ఫిలిగ్రిమ్స్‌కి సౌదీ అరేబియా మెరుగైన సేవలు అందిస్తోందనీ, ఈ నేపథ్యంలో కింగ్‌ సల్మాన్‌ బిన్‌ అబ్దుల్‌ అజీజ్‌ అల్‌ సౌద్‌ చిత్తశుద్ధిని ప్రతి ఒక్కరూ కొనియాడుతున్నారని బహ్రెయిన్‌ పేర్కొంది.