దుబాయ్‌ రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ), ఈద్‌ అల్‌ అదా హాలిడే సందర్భంగా, హ్యాపీనెస్‌ సెంటర్స్‌, పెయిడ్‌ పార్కింగ్‌ జోన్స్‌, పబ్లిక్‌ బస్‌లు, దుబాయ్‌ మెట్రో మరియు ట్రామ్‌, మెరైన్‌ ట్రాన్సిట్‌ మీన్స్‌, సర్వీస్‌ ప్రొవైడర్స్‌ సెంటర్‌ వంటి వాటికి సంబంధించి ప్రకటన జారీ చేసింది. ఆదివారం నుంచి గురువారం వరకు కస్టమర్‌ హ్యాపీనెస్‌ సంటర్స్‌ మూసివేయబడ్తాయి. ఆగస్ట్‌ 26, ఆదివారం నుంచి అధికారిక కార్యకలాపాలు తిరిగి ప్రారంభమవుతాయి. ఉమ్‌ రుమూల్‌లో స్మార్ట్‌ కస్టమర్‌ సర్వీస్‌ సెంటర్‌ మాత్రం యధాతథంగా పనిచేస్తుంది. అన్ని కార్‌ పార్క్స్‌ ఉచితమే. అయితే మల్టీ లెవల్‌ పార్కింగ్‌ టెర్మినల్స్‌లో రుసుములు వసూలు చేయబడ్తాయి. ఆగస్ట్‌ 19న పార్కింగ్‌ టారిఫ్‌ డీ యాక్టివేట్‌ అవుతుంది, తిరిగి ఆగస్ట్‌ 25న రీ-యాక్టివేట్‌ అవుతుంది.