మస్కట్‌:ఆసియా జాతీయుడైన ఓ వలస కార్మికుడు సీవేజ్‌ పిట్‌లో కూరుకుపోగా, అతన్ని అత్యంత చాకచక్యంగా వెలికి తీసినట్లు పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ వెల్లడించింది. సీవేజ్‌ పిట్‌కి సంబంధించిన వాల్‌ కూలిపోవడంతో ఈ ప్రమాదం జరిగింది. బౌషెర్‌లో ఈ ప్రమాదం చోటు చేసుకుంది. సీవేజ్‌ పిట్‌ నుంచి రక్షించిన వెంటనే, బాధితుడికి అత్యవసర వైద్య చికిత్స అందించి, ఆ వెంటనే ఆసుపత్రికి తరలించారు. ఈ ఘటనలో బాధితుడికి బలమైన గాయాలు తగిలినట్లు తెలుస్తోంది.