సౌదీ అరేబియా:మక్కాలో ఓ హోటల్‌ కూలిందంటూ జరుగుతున్న ప్రచారాన్ని సౌదీ సివిల్‌ డిఫెన్స్‌ ఖండించింది. అయితే, మాక్‌డ్రిల్‌ సందర్భంగా చేసిన ఓ ఏర్పాటుకి సంబంధించిన వీడియో సోషల్‌ మీడియాలో చక్కర్లు కొడ్తోందనీ, అది కూడా కొన్నాళ్ళ క్రితం నాటిదనీ సౌదీ సివిల్‌ డిఫెన్స్‌ వర్గాలు వెల్లడించాయి. ఒకవేళ అనుకోని పరిస్థితుల్లో ప్రమాదం ఏదైనా జరిగితే, వెంటనే ఎలాంటి చర్యలు తీసుకోవాలన్నదానిపై చేసిన మాక్‌డ్రిల్‌ని తాజా ఘటనగా కొందరు మలచి, ప్రచారం చేస్తున్నారని సౌదీ సివిల్‌ డిఫెన్స్‌ పేర్కొంది. మక్కాలో ఎలాంటి ప్రమాదం జరగలేదనీ, ఫిలిగ్రిమ్స్‌ ఎవరూ ఆందోళన చెందనక్కర్లేదని వివరణ ఇవ్వడం జరిగింది.