యూఏఈ:పగటి ఉష్ణోగ్రతలు ఒకింత స్థిరంగానే కన్పించినా, రాత్రి వేళల్లో చల్లదనం కన్పిస్తోంది యూఏఈ వ్యాప్తంగా. నేషనల్‌ సెంటర్‌ ఆఫ్‌ మిటియరాలజీ వెల్లడించిన వివరాల ప్రకారం, ఉషోణగ్రతలు 38 నుంచి 43 డిగ్రీల మధ్య నమోదు కానున్నాయి. ఇది తీర ప్రాంతాలకు సంబంధించి ఎన్‌సిఎం అందిస్తున్న సమాచారం. ఇంటర్నల్‌ ఏరియాస్‌లో 42 నుంచి 47 డిగ్రీల వరకు ఉష్ణోగ్రతలు నమోదవుతాయి. హ్యుమిడిటీ 90 శాతానికి టచ్‌ అవుతుంటుంది. అక్కడక్కడా కొంత మేర మేఘాలు కన్పించవచ్చు. ఉష్ణోగ్రతలు తగ్గిన ప్రాంతాల్లోనూ, ఇతర ప్రాంతాల్లోనూ తెల్లవారు ఝామున ఫాగ్‌ ఏర్పడుతుంది. మరో వైపున ధూళితో కూడిన గాలులు విజిబిలిటీని తగ్గిస్తాయి, ఇతర సమస్యలకు కారణమవుతాయి. రానున్న మరికొన్ని రోజుల్లో ఇదే వాతావరణ పరిస్థితి కొనసాగుతుంది.